काठमाडौं : म्युजिक भिडियो निर्देशनमा निरन्तर लागिरहेकी बबिता श्रेष्ठ ‘मलेकु’ निर्देशित पछिल्लो भिडियो ‘धरोधर्म सत्य’ सार्वजनिक भएको छ । गीतमा शब्द नवराज भूमरी आचार्य र संगीत सिडी विजय अधिकारीको छ । गीतमा सिडी विजय अधिकारी र गायिका पल्मु शेर्पाको स्वर रहेको छ ।
रोमान्टिक शैलिको गीतमा मनिषा राई, दिपा तामाङ, कृष्ण जोशी, पुष्कर खत्रीले पनि स्वर दिएका छन् । भिडियोमा विमल अधिकारी र शिल्पा पोखरेललाई फिचरिङ गरिएको छ । भिडियो उत्तम हुमगाईंले खिचेका हुन् भने सम्पादन कल्पेश विश्वकर्माले गरेका हुन् । भिडियो गायिका पल्मु शेर्पाको अफिसियल युट्युब च्यानलमा हेर्न सकिन्छ ।
