रोल्पा : अख्तियार दुरुपयोग अनुसन्धान आयोगले घुस रकमसहित प्रहरी नायब निरीक्षकलाई नियन्त्रणमा लिएको छ ।
अख्तियारले रोल्पाका ट्राफिक प्रहरी कार्यालयका कार्यालय प्रमुख प्रहरी नायब निरीक्षक (सइ) ललित कुमार बुढाथोकीलाई २५ हजार रुपैयाँ घुस रकमसहित नियन्त्रणमा लिएको हो ।
उनले सवारी साधनहरूलाई आवत/जावत गर्न सहजीकरण गरिदिए वापत घुस माग गरिरहेको भन्ने सूचना एवं उजुरी निवेदनका आधारमा आयोगको कार्यालय बुटवल सम्पर्क कार्यालय नेपालगञ्जबाट खटिई गएको टोलीले घुस लिइसकेको अवस्थामा नियन्त्रणमा लिएको जानकारी गराएको छ । रकमसहित उनको निवासबाट नियन्त्रणमा लिइएको अख्तियारले जनाएको छ ।
