काठमाडौं : सिटिजन लाइफ इन्स्योरेन्सले ‘सिटिजन एनुअल बिजनेस रिट्रीट २०८१’ सम्पन्न गरेको छ । मंसिर १४ गतेदेखि १६ गतेसम्म पोखरास्थित होटेल ‘पोखरा ग्रान्ड’ मा सो कार्यक्रम सम्पन्न भएको हो । कार्यक्रममा देशभरबाट २५० जनाको सहभागिता थियो ।
सिटिजन लाइफले आफ्नो कर्मचारी र अभिकर्ताहरुको लागि विभिन्न सिप विकास कक्षाहरू नियमित समयको अन्तरालमा राष्ट्रिय अन्तर्राष्ट्रिय प्रशिक्षकहरूबाट विशेष प्रशिक्षण कक्षाहरू प्रदान गर्दै आएको जनाएको छ । सिटिजन लिडर्सहरूलाई विभिन्न क्षेत्रहरुमा अझै ज्ञान प्रदान गर्ने यस कार्यक्रमको मुख्य उद्देश्य रहेको बताइएको छ ।
कार्यक्रममा मुख्य प्रशिक्षकको रूपमा अन्तर्राष्ट्रिय प्रशिक्षक विजयकुमार झाको उपस्थिति थियो । उनले सिटिजन लिडर्सहरूको क्षमता तथा आत्मविश्वास अभिवृद्धिलाई मध्यनजर गर्दै बिक्री कला विकास, व्यक्तित्व विकास, संचार, पेशाको आत्मविश्वास, व्यक्तिगत प्रस्तुति लगायत विषयमा प्रशिक्षण दिएका थिए ।
कार्यक्रममा कम्पनीका ब्रान्ड एम्बेस्डर मदनकृष्ण श्रेष्ठ र हरिवंश आचार्य, कम्पनीका प्रमुख कार्यकारी अधिकृत पोषकराज पौडेल एवं कम्पनीका प्रमुख मार्केटिङ अधिकृत भुषण रिमाल लगायत कम्पनीका उच्चपदस्थ अधिकारीहरूको सहभागिता थियो ।
