काठमाडौं : विभिन्न स्थानमा भएको विशेष प्रदर्शनमा अत्यधिक रुचाइएको चलचित्र ‘एक्टर’ आगामी ५ माघदेखि देशभर एकसाथ प्रदर्शनमा आउने भएको छ ।
आधुनिक परिवेश, प्रेम, रोमान्स, थ्रिलर्स सस्पेन, मनोरञ्जनपूर्ण चलचित्र ‘एक्टर’मा प्रिन्स थापा, शिवानी गिरी, कशिस दाहाल, कृष्ण मल्ल, सरोज खनाल, शिबु शाह, निशा के. सी. भण्डारी, महेन्द्र मैनालीलगायतका कलाकारको अभिनय छ भने चलचित्रमा सम्राट थापाको कथा तथा संगीत छ ।
टीभी पत्रकार मनोहरी थापा निर्माता रहेको चलचित्रमा सम्राट बस्नेतको द्वन्द्व, माइकल चन्दको नृत्य, युवराज राई र डम्बर राईको छायांकन, मदन घिमिरेको निर्देशन छ । नेपाल डाइस्पोरा इन्टरटेनमेन्टको प्रस्तुति रहेको ‘एक्टर’ नायक प्रिन्स थापाको डेब्यु चलचित्र हो ।
