रियाद : नेपाली राजदूतावास साउदी अरेबियाले १ पुस सोमबारदेखि राहदानीको प्रतिलिपि बनाउन नयाँ शुल्क तोकिएको बताएको छ ।
दूतावासले एक विज्ञप्ति जारी गर्दै १ पुस अर्थात् सोमबारदेखि ३४ पृष्ठको राहदानीका लागि ३०० साउदी रियाल (करिब ९ हजार रुपैयाँ) र ६६ पृष्ठको राहदानीका लागि ६०० साउदी रियाल (करिब १८ हजार रुपैयाँ) राजस्व दस्तुरबापत बुझाउनुपर्ने बताएको छ ।
राहदानी हराएमा, पाना च्यातिएमा, केरमेट भएको जस्ता कारणले नयाँ राहदानी बनाउने गरिएको छ ।
