काठमाडौं : पाँचौं नेपाल प्रिन्टप्याक अन्तर्राष्ट्रिय प्रदर्शनी तथा पाँचौं नेपाल प्लाष्टटेक अन्तराष्ट्रिय प्रदर्शनी हुने भएको छ । मिडिया स्पेस सोलुसन्स प्रालि र फ्युचरेक्स ट्रेड फेयर एण्ड इभेन्टस् प्रा.लि.ले पाँचौं नेपाल प्रिन्टप्याक अन्तर्राष्ट्रिय प्रदर्शनी तथा पाँचौं नेपाल प्लास्टटेक अन्तराष्ट्रिय प्रदर्शनी पुस ५ देखि ७ गतेसम्म भृकुटीमण्डप, काठमाडौमा आयोजना गर्ने भएको हो ।
विगतका वर्षहरूझैँ यस वर्ष पनि पाँचौं नेपाल प्रिन्टप्याक अन्तर्राष्ट्रिय प्रदर्शनी तथा पाँचौं नेपाल प्लास्टटेक अन्तर्राष्ट्रिय प्रदर्शनीमा स्वदेशी तथा विदेशी कम्पनीहरूका १०० भन्दा बढी स्टलहरू रहनेछन् ।
सो अन्तर्राष्ट्रिय प्रदर्शनीले नेपालभर रहेका प्लाष्टिक, पेपर, प्रिन्टिङ, प्याकेजिङ् र प्रोसेसिङ सँग सरोकार राख्ने व्यापार व्यवसायहरूलाई एकै ठाँउ ल्याएर व्यापार साझेदारी गरी प्रविधि प्रदर्शन र संवाद गर्न साझा मञ्च प्रदान गर्ने जनाइएको छ ।
