काठमाडौँ : नेपाल प्रिमियर लिग (एनपीएल)को टोली जनकपुर बोल्ट्सका कप्तान अनिलकुमार साह घाइते भएका छन् । खेलका क्रममा ब्याट अनब्यालेन्स हुँदा उनको हातको बुढी औँला क्र्याक भएको जनकपुरका प्रबन्ध निर्देशक निरोज खतिवडाले जानकारी दिए ।
हातमा प्लास्टर गरिएको र भोलिको खेल खेल्ने नखेल्ने भन्नेबारे डाक्टरको रिपोर्ट आउन बाँकी रहेको खतिवडाले बताए ।
‘खेल्ने क्रममा ब्याटमा लाग्दा अनिलको औँला क्र्याक भएको छ । अहिले प्लास्टर गरेर रेस्टमा हुनुहुन्छ । रिपोर्ट आउन बाँकी छ’, उनले भने ।
जनकपुरले एनपीएलको पहिलो क्वालिफायरमा बुधबार सुदूरपश्चिम रोयल्ससँग खेल्ने तालिका रहेको छ ।
.jpg)
