इमरान खान/मध्यान्ह
काठमाडौं : निर्देशक एवं निर्माता भिम लामाको आफ्नै फिल्म कम्पनी बुद्ध ईन्टरनेशनल फिल्मस् प्रा.लि. ले नयाँ नेपाली र मैथिली दुबै भाषामा निर्माण गरेको छैठौं फिल्म रिलिज हुने तयारीमा छ । लामो समयदेखि चलचित्र क्षेत्रमा लागेर दर्जनौ चलचित्र निर्माण गरेका चलचित्र निर्माता तथा निर्देशक लामाको 'फेक फ्रेण्ड' देशभर एकै साथ रिलिज हुन लागेको हो ।
निर्माता लामा र अशोक चेम्जोङले तयार पारेको उक्त चलचित्र पछिल्लो समय सामाजिक सञ्जालमा फेक आईडी बनाउने, फेक फ्रेण्ड बनाउने र अर्कालाई दुख दिने नाटकिय कथामा आधारित छ ।
चलचित्रमा कलाकारहरू सानिया खान, नरेन्द्र स्याङ्तान, अनिता गिरि, दिनेश कोइराला, राजकुमार डिसि, सन्तोष लामा, राजेन्द्र श्रेष्ठ , सङ्कल्प लामिछाने , बबिता न्योङ्हाङ, भिम ढुङेल, सुश्रीया तामाङ, भबिसा क्षेत्रीको अभिनय रहेको छ ।
यस्तै कलाकार सन्तोस साबतिया , प्रदीप सर्मा , झोटन मेहता, एस एन मेहता, सजिना लामा,देब आर एन, सुमन कट्टेल, दुर्गा सापकोटा, मनिता तामाङ, सुरज क्षेत्री, निर्माता लामा आफै लगायत धेरै कलाकारहरूले अभिनय गरेका छन् ।
यो चलचित्र अमेरिकामा पहिलो विशेष शो गरेपछि नेपाल अधिराज्य भरी एकै साथ रिलिज हुने निर्माता लामाले जानकारी दिएका छन् । निर्माता लामालाई विशाल तामाङ, कृष तामाङ, धनु सुब्बा र सुरेश रानाले निर्माणमा सहयोग गरेका छन् । सह—निर्मातामा सन्तोष लामा, सङ्कल्प लामिछाने, भिम ढुंगेल, मुस्कान काप्री र राजकुमार सिटौला रहेका छन् ।
उक्त चलचित्रमा निर्माता लामा र चेम्जोङको कथा, सरोज केशी को स्कृप्ट, दिप्सन लिम्बू, चेम्जोङ, झोटन मेहता र डिपलब कुलुङ को शब्द संगीतमा राजेश पायल राई, दिवस पोखरेल, दिपा लामा, दिप्सन लिम्बू, रमिला ग्याङमि मगर, अस्मिता लिम्बू , सरोज मुखिया, पबित्रा गुरुङले स्वर दिएका छन् । नबिन तामाङ को फाइट, दिनेश कोइराला र अभि राईको कोरियोग्राफीलाई प्रकाश सुब्बाले आफनो क्यामेरामा खिचेका छन् ।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies