दोहा (कतार) :आफूलाई पर्फमरका रूपमा परिचय दिने मोडेल, सर्जक, निर्देशक तथा गायक दुर्गेश थापाको नयाँ गीत युट्युब ट्रेन्डिङको शीर्ष स्थानमा पुग्न सफल भएको छ । करिब १० दिनअघि थापाले आफ्नै युट्युब च्यानलबाट सार्वजनिक गरेको ‘दुश्मन हेरेको हे¥यै’ गीतले सामाजिक सञ्जालमा तहल्का मच्चाइरहेको छ ।
भिडियोलाई बुधवार बेलुकासम्म युट्युबमा ३० लाख पटक हेरिएको छ । गीतको शब्द तथा संगीत दुर्गेशकै छ । गीतमा आनन्द कार्की, दुर्गेश थापा, समीक्षा अधिकारी र एलिना चौहानले स्वर दिएका छन् । दुर्गेश स्वयं र विजु पार्कीको निर्देशन रहेको भिडियोमा उनीसहित प्रियङ्का कार्की, कविता नेपाली, पेमा लामा र सहदेव श्रेष्ठको अभिनय छ भने सञ्जय विश्वकर्माको कोरियोग्राफी छ ।
रूपेश थापाले खिचेको म्युजिक भिडियो द्वन्द्वात्मक बनाइएको छ । जसको निर्देशन राजु तामाङले गरेका हुन् । भिडियोलाई मिलन विश्वकर्माले सम्पादन गरेका हुन् ।
