रोल्पा : रोल्पाको माडी गाउँपालिका १ भिताबाङबाट सुन्तला लिएर दाङ तुलसीपुर जाँदै गरेको गाडी दुर्घटना एको छ । त्रिवेणी गाउँपालिका ४ मथुरापानी भन्ने स्थानमा दुर्घटना भएको प्रहरीले जनाएको छ । शुक्रबार दिउँसो लु १ च ८६७८ नम्बरको ढुवानी गर्ने पिकअप गाडी दुर्घटना भएको हो ।
उकालोमा व्याक भएर गाडी दुर्घटना भएको प्रहरीको भनाइ छ । गाडी दुर्घटनापछि दुई जनालाई उद्धार गरेर नजिकको स्वास्थ्य केन्द्र पठाइएको छ भने गाडीमा च्यापिएका दुई जनालाई प्रहरी र स्थानीय बासीहरुले निकाल्ने प्रयास गरिराखेका छन् । घाइतेहरुको पहिचान भएको छैन । घटनाको थप विवरण आउन बाँकी रहेको छ ।
