X

रौतहट : डा. विक्रान्त मेहताको स्वर रहेको 'माया गर्ने मै हो' बोलको गीत सार्वजनिक भएको छ । गीतमा अर्जुन पोखरेलको शब्द तथा संगीत रहेको छ । हाल रौतहटको गौरस्थित प्रादेशिक अस्पतालमा कार्यरत डा. मेहताकै अभिनय रहेको म्युजिक भिडियोमा मोडल स्मारिका ढकाल पनि फिचर्ड छिन् । डा. मेहता अर्थोपेडिक सर्जन हुन् ।

यो गीतले एक प्रेमील जोडीको प्रेम कथालाई दर्शाउँछ । भिडियोमा डा. मेहता र मोडल ढकालले प्रेमील जोडीको रूपमा रोमान्टिक दृश्यहरू प्रस्तुत गरेका छन् ।

निर्देशक प्रकाश धितालले यो भिडियोको निर्देशन गरेका हुन् । उनी पछिल्लो पुस्ताका अनुभवी र नयाँपन प्रयोग गर्न रुचाउने निर्देशक हुन् । गीतको ऐरेन्ज रिदम कँडेल, मिक्सिङ मास्टरिङ नरेश बीबीसी र कोरियोग्राफी रोशन विश्वकर्माले गरेका हुन् ।

सार्वजनिक गीतको भिडियो एम सिरिज ग्लोबलबाट बजारमा आएको छ । म्युजिक भिडियोको छायांकन उत्सव दाहाल र सम्पादन राकेश दाहालले गरेका हुन् ।