काठमाडौं : गायिका समीक्षा अधिकारी स्वरमा ‘नयाँ बाटो रोज्दै छु’ बोलको गीत सार्वजनिक भएको छ । हरि कटुवालको शब्द रहेको गीतमा वरिष्ठ संगीतकार सन्तोष श्रेष्ठको संगीत रहेको छ ।
गीता ढुंगाना र पर्वत गदाइलीको अभिनय रहेको म्युजिक भिडियोको छायांकन र निर्देशन देवराज आचार्यले गरेका हुन् । सञ्जीव बराइलीको एरेन्ज, किशोर थापाको मिक्सिङ मास्टरिङ रहेको म्युजिक भिडियोको सम्पादन र कलर पदम सुवेदीले गरेका हुन् ।
ए वान म्युजिसियन स्टुडियोमा रेकर्ड गरिएको गीतको भिडियो हाइलाइट्स नेपाल युट्युव च्यानलबाट सार्वजनिक गरिएको छ ।
म्युजिक भिडियोमा युवा युवतीबीचको सफल हुन नसकेको प्रेम देखाइएको छ भने पीडाका बाबजुद आफूलाई बलियो बनाएर अघि बढ्न सकिन्छ भन्ने सन्देश दिइएको छ ।
.jpg)
.jpg)
