.jpg)
काठमाडौं : ‘इन्डो नेपाल सुजन म्युजिक अवार्ड–२०२४’ भारतको राजधानी नयाँ दिल्लीमा सम्पन्न भएको छ । सो अवसरमा विभिन्न विधाहरुमा विजेता कलाकारहरुलाई अवार्ड प्रदान गरिएको थियो ।
उक्त कार्यक्रममा लोकदोहोरी गायिका एवं मोडल रिया रेग्मी अवार्ड विजेता बनेकी छन् । रियाले ‘रहरै भो’ गीतबाट सर्वाेत्कृष्ट नयाँ मोडलमा अवार्ड हात पारेकी हुन् । उनले आफ्ना प्रतिस्पर्धीहरुलाई पछाडि पार्दै अवार्ड हात पार्न सफल भएकी हुन् । कलाकारिताको क्षेत्रमा प्रवेश गरेको दुई वर्षमै रियाले यो अवार्डसहित धेरै सफलता हात पार्न सफल भएकी छन् ।
विजेता रियालाई वरिष्ठ गायिका शर्मिला गुरुङ, वरिष्ठ गायक इन्द्र जिसीलगायतले संयुक्तरूपमा बेष्ट म्युजिक भिडियो मोडलको अवार्ड प्रदान गरेका थिए । कार्यक्रममा विभिन्न ३३ विधामा अवार्ड वितरण गरिएको थियो ।
कार्यक्रममा बोल्दै सुजन म्युजिक प्रा.लि.की अध्यक्ष जमुना रानाले भारतमा नेपालीहरुको अवार्ड कार्यक्रम यो दोस्रो पटक आयोजना गरिएको बताइन् । नेपाल र भारतमा रहेका संगीतकर्मीहरुको नेपाली गीतसंगीतप्रतिको योगदानलाई सम्मान गर्न यस वर्ष पनि अवार्ड कार्यक्रम गरिएको उनले बताइन् । भोटिङको आधारमा विजेता घोषणा गरिएको थियो ।
