काठमाडौं : प्रजातान्त्रिक जनवादी गणतन्त्र कोरिया उत्तर कोरियाका डेपुटि काउन्सेलर अफ मिसन किम जोंग ह्योकमार्फत उत्तर कोरियाली नेता तथा महासचिव किम जोङ उनलाई दुवै कोरिया एक हुनुपर्ने चाहना राख्दै शुभकामना सन्देश पठाइएको छ ।
कोरियाको शान्तिपूर्ण पुनः एकीकरणको लागि इन्टरनेशनल कमिटी टु स्टडी संगुन पोलिसी फर पिसफुल रियुनियन अफ कोरियाद्वारा काठमाडौंको मिनभवनमा हालै आयोजित कार्यक्रममा कार्यक्रमका सभापति एवं संस्थाका अध्यक्ष बसन्तकुमार श्रेष्ठ र कार्यक्रमका प्रमुख अतिथि प्रदेशसभा सांसद गणेश दुलालले संयुक्त रुपमा शुभकामना सन्देश हस्तान्तरण गरेका छन् ।
कार्यक्रममा उत्तर कोरियाका डेपुटि काउन्सेलर अफ मिसन किम जोंग ह्योकले देश टुक्रिएको ७० वर्ष पुगेको, बाहिरी हस्तक्षेपबिना कोरियाली जनताले चाहेजस्तो सम्मानपूर्वक एकीकरणको चाहना त्यहाँका जनतामा रहेकोे बताए ।
नेकपा केन्द्रीय सदस्य गंगा कार्कीले अगाडि कोसेली देखाउने पछाडि बन्दुक लुकाएर लिएर आउने, नेपालको प्राकृतिक स्रोत–साधन नियन्त्रण गरेर हैकम जमाउन अमेरिकी साम्राज्यवाद लागेकोले, एमसीसीविरुद्ध एकताबद्ध हुन जरुरी रहेको बताए ।
कार्यक्रमका प्रमुख अतिथि नेकपाका सांसद् गणेशप्रसाद दुलालले भने, ‘साम्राज्यवादीहरूले के–के गर्दछन्, सय वर्षको इतिहास हेर्दा प्रष्ट हुन्छ, यसको बाबजुद उत्तर कोरियाले समृद्धि हासिल गर्यो । अब हामी एकीकृत कोरिया हेर्न चाहन्छौं ।’
कार्यक्रमका सभापति वसन्तकुमार श्रेष्ठले साम्राज्यवादीले देशलाई टुक्राउँदा कोरियाली जनताको मन टुटेको बताए । उनले कोरिया पुनः एकीकृत हुनुपर्ने धारणा राख्दै त्यहाँको विकासको मोडेल उदाहरणीय र उत्तरकोरियाले गरको प्रगति–समृद्धिको प्रशंसा गरे ।
उनले भने, ‘उत्तर कोरियामा १४ प्रतिशत खेतीयोग्य भूमि हुँदा पनि देश आत्मनिर्भर छ । त्यहाँ विकासले फड्को मार्नु, नागरिकको स्वास्थ्य, शिक्षा सरकारले ब्यहोर्नु चानचुने कुरो होइन् ।’ कोरियाको सम्मान पूर्वक पुनः एकिकरण हुनुपर्छ भन्ने कुरामा न्यायप्रेमी नेपाली जनताको समेत साथसमर्थन रहेको बताए ।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies