सिन्धुपाल्चोक : सिन्धुपाल्चोकको जुगल गाउँपालिका दुई लिदीमा गएको भीषण पहिरोमा परी एघार जनाको मृत्यु भएको छ । आज बिहान करिब साढे ६ बजेतिर गएको पहिरोले १३ वटा घर बगाउँदा २७ जना बेपत्ता भएका छन् । सेना प्रहरी सहितको टोलीले विहानैदेखि बेपत्ता स्थानीयको खोजी जारी राखेका छ ।
पहिरोमा परेर १५ जना घाइते भएका छन । तिमध्ये गम्भिर घाइते चार जनाको सिन्धुपाल्चोकको चौतारा अस्पताल र एक जनाको काठमाडौंमा उपचार भैरहेको छ । उनीहरुलाई पहिरो प्रभावित क्षेत्रवाट हेलिकप्टरमार्फत उद्दार गरिएको हो । पहिरोले ३७ घर पुरेको सेनाले जनाएको छ । तिमध्ये १३ घर पूर्णरुपमा क्षतिग्रस्त भएका छन् । पहिरोले पाँच घरका सबै सदस्यलाई पुरेको थियो ।
पहिरो खस्ने क्रम जारी रहेको र जमिन पनि भासिएकाले उद्दारमा कठिनाई भएको बताइएको छ । पहिरोले घरहरु बगाएर बलेफि खोलासम्म ल्याएको स्थानीयले बताएका छ । यसैबीच, सभामुख एवम् सो क्षेत्रका सांसद अग्निप्रसाद सापकोटा हेलिकोप्टर लिएर घटनास्थल पुगी पहिरो प्रभावित क्षेत्रको निरीक्षण गरेका छन् ।
आजै गृहमन्त्री रामबहादुर थापा पनि पहिरो गएको स्थानमा पुगेर राहत वितरण गरेका छन् । उनले चालिस परिवारका लागि अत्यावश्यक सामग्री उपलब्ध गराएका हुन । त्यस्तै पहिरो प्रभावितलाई गृह मन्त्रालयले दुई लाख नगद र त्रिपाल लगायतका सामग्री पनि उपलब्ध गराएको छ ।
यसैबिच नेकपा अध्यक्ष पुष्पकमल दाहाल र नेपाली कांग्रेसका सभापति शेरबहादुर देउवाले विज्ञप्ती प्रकाशित गर्दै पहिरो प्रभावितको उद्दारमा जुटन नेता कार्यकर्तालाई निर्देशन दिएका छन् ।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies