दुई वर्ष अगाडिदेखि नै साउदीको भिजिट र रिईम्प्लोइमेन्ट भिसा लगाउने अनुमति पाएको स्काईको भनाइ
काठमाडौं : नेपालस्थित साउदी अरबियाको दूतावासले बिहीबार अर्थात भोलिदेखि भिसा स्ट्याम्पिङको सेवा प्रारम्भ गर्ने भएको छ । दूतावासले एक सूचना जारी गर्दै बिहीबारदेखि कामदारको वर्किङ भिसा, भिजिट भिसा र पुनः प्रवेशका लागि रिईन्ट्री भिसा जारी गर्ने बताएको छ ।
दूतावासले लकडाउनका कारण प्रयोग नभएको कामदारको वर्किङ भिसा क्यान्सिल गर्न रोजगारदाताको क्यान्सिेलेसन लेटरको आधारमा रद्ध गरी नयाँ निवेदन र मेडिकल रिपोर्टको आधारमा पुनः प्रयोग गर्न सकिने जनाएको छ । कोभिडका कारण रद्ध भएको भिसाको दस्तुर साउदीको मानव संशाधन तथा सामाजिक विकास मन्त्रालयले विद्युतीय प्रणाली मार्फत फिर्ता दिने दूतावासले बताएको छ । कोभिडका कारण रद्ध भएको भिजिट भिसा पुनः प्राप्तिका लागि स्पोन्सर लेटरका साथमा निवेदन दिन सकिने पनि दूतावासको सूचनामा उल्लेख छ ।
यसैबीच स्काइ ओभरसीज सर्भिसेज प्रा.लि.ले साउदी अरबको भिसा स्ट्याम्पिकङका सम्वन्धमा वास्तविकता नबुझी आफ्नो संस्थालाई जोड्ने काम सामाजिक सञ्जालमार्फत भएको भन्दै आपत्ति जनाएको छ ।
नेपाल वैदेशिक रोजगार व्यवसायी संघलेसमेत त्यसबारेमा सत्य तथ्य नबुझी व्यवसायीलाई गलत सूचना दिएको भन्दै संघको पूर्व अध्यक्षसमेत रहेका स्काई ओभरसीजका सञ्चालक बल बहादुर तामाङ आफुसँग जानकारी लिएर प्रष्ट नभई सामाजिक सञ्जालमा विज्ञप्ति सार्वजनिक गर्नु आपत्तिको विषय भएको बताए ।
त्यसअघि मंगलबार नै संघका महासचिव सुजित कुमार श्रेष्ठले नेपालस्थित साउदी दूतावासले भिसा प्रोसेसिङको लागि कुनैपनि संस्थालाई अनुमति नदिएको भन्दै सामाजिक सञ्जाल ह्वाट्स एपमा स्काई ओभरसीज सर्भिस प्रा.लि.ले साउदी दूतावासबाट भिसा प्रेसेसिङको अनुमति पाएको भन्ने झुठा रहेको र उक्त सूचनाको भ्रममा नपर्न व्यवसायीहरुलाई आग्रह गरेका थिए ।
पूर्व अध्यक्ष तामाङले आफ्नो म्यानपावर कम्पनी साउदी दूतावासबाट अरु व्यवसायी कम्पनीहरुले जस्तै साउदी आईडीप्राप्त संस्था भएको र आफ्नो कम्पनीले थप भिजिट र रिइम्प्लोइमेन्ट भिसा लगाउन पनि २ वर्ष अगाडि अनुमति पाएको भन्दै आफ्ना सेवाग्राहीलाई साउदी दूतावासको सेवा सुचारु भएको विषयमा जानकारी दिएको विषयलाई अन्यथा तोडमरोड गर्नु उपयुक्त नभएको बताए ।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies