मुलुक बिगत ६ महिना देखि वन्दावन्दी र निषेधाज्ञा हुँदै नियन्त्रित अवस्थामा छ । मुलुकका तीनथरि सरकार कोरोना भाइरसको रोकथाम तथा नियन्त्रणका लागी हर प्रयास गरिरहेको छ । सम्पूर्ण व्यावसायीहरु, रोजगारी गर्नेहरु, प्रायः आफ्नो काममा जान सकिरहेका छैनन् । धेरै व्यावसायीहरु घाटामा जाने, रोजगार गर्नेहरु रोजगार गुमाउन सक्ने, सरकार ठूलो आर्थिक संकटमा पर्ने सम्भावना निकै प्रवल छ । यसै सन्दर्भमा चर्तित व्युटिसियन नारायण भट्टराईसंग सौन्दर्य व्यावसायमा कोभिड– १९ ले पारेको असर तथा यसका अन्य विविध विषय वस्तुमा केन्द्रित रहेर मध्यान्ह दैनिकका लागि पत्रकार विनोद घिमिरेले गरेको कुराकानीका सम्पादित अंशः
कोरोना भाइरसको प्रभाव कस्तो परेको छ यहाँको व्यावसयमा ?
२०७६ चैत्र ११ गतेबाट नेपाल सरकारले देशैभर लागु हुने गरी लकडाउनको घोषण ग¥यो यसबाट सम्पूर्ण कामहरु स्थगित भए । फिल्म युनिटका सम्पूर्ण कार्यक्रम बन्द भए । हुन त कोभिड–१९ को प्रभाव लकडाउन घोषणा हुनुभन्दा अगाडी देखी नै थियो । त्यो वेला ५० प्रतिशत प्रभाव परि सकेको थियो भने लकडाउन पछि त १०० प्रतिशत नै परेको छ । अहिले कुनै पनि बैबाहिक कार्यक्रमहरु छैनन् । धेरै मानिसको उपस्थितिमा हुने सम्पूर्ण कार्यक्रमहरु सरकारी स्तरबाटै स्थगित गरिएको छन् । बाहिर हिड्न नपर्ने कारण मानीसहरु आफ्नो व्याक्तिगत मेकअपमा पनि प्रभाव परेको छ । जोकोही पनि एक अर्कामा डराउने स्थिति छ । त्यसकारण मेरा हरेक कार्यक्रमहरु स्थगित छन । सम्पूर्ण स्टाफहरु विदामा छन तर पनि मैले सम्पूर्ण स्टाफहरुलाई तलब दिई नै रहेको छु । सुरक्षित तरिकाले घरमै बस्नु कुनै समस्या परेमा मलाई भन्नु भनेको छु । स्टाफ भनेका कतिपयले चाहिंदाको भाडो नचाहिंदा ठाडोको रुपमा लिन्छन । मैले त्यसलाई राम्रो मान्दिन , यस्तो गर्नु पनि हुदैन । विगत ५ महिनादेखि मेरा सम्पूर्ण गतिबिधि बन्द छन । यसरी बन्द भएता पनि मैले विभिन्न पत्रपत्रिका तथा सञ्चार माध्यमबाट सौन्दर्य सम्वन्धि टिप्सहरु दिई राखेको छु । अहिले जसरी पनि सुरक्षित रहेर आफुलाई अपडेट गर्न गराउने गरिरहेको छु ।
स्टाफहरुको व्यवस्थापनको निकै राम्रो कुरा गर्नु भयो कति तलव बाँडनु हुन्छ महिनामा ?
सवै खर्च हेर्दा ५ लाखभन्दा बढि हुन्छ । कमाउदा होस वा नकमाउदा रनिङ् खर्चमा त्यति धेरै फरक पर्दैन । मैले स्टाफ कटौती गरेको छैन । स्टाफहरुलाई दिनु पर्ने सम्पूर्ण सेवा सुविधामा कमि हुन दिएको छैन । यो समय अध्ययन गर्ने तथा नयाँ– नयाँ टेक्नोलोजीको विषयमा जानकार हुन स्टाफहरुलाई प्रोत्साहन गरिरहेको छु ।
अब कस्तो होला सौन्दर्य व्यावसायको अवस्था ?
हाम्रो व्यावसाय व्यक्तिसंग प्रतक्ष उपस्थितिमा हुने व्यावसाय हो । अरु व्यावसाय जस्तो टाढै बसेर हुने व्यावसाय होइन र हामीहरु टा‘स्सिएरै काम गर्नु पर्ने हुन्छ । त्यसकारण जबसम्म यो समस्या रहिरहन्छ तबसम्म प्रभाव परि नै रहन्छ । अर्को कुरा, हाम्रो व्यावसाय बढ्नका लागि अथवा निरन्तरता पाउनका लागि सामाजिक क्रियाकलाप पनि बढ्नु पर्ने हुन्छ, जस्तै बैबाहिक कार्यक्रम, फिल्म सुटिङ जस्ता क्रियाकलापहरु । विश्वलाई त्रसित बनाई रहेको कोभिड–१९ को अवस्था नघटेसम्म सबैभन्दा बढि प्रभाव हाम्रो व्यावसायलाई नै पर्छ जस्तो लाग्छ ।
सस्तो समयमा मानिसको सौन्दर्य अवस्था अथवा भनौ सुन्दरतामा सकारात्मक वा नकारात्मक कस्तो प्रभाव परिरहेको छ ?
अहिले हामी बाहिर खुलेर हिडडुल गर्न सक्ने अवस्थामा छैनौ, वा भनौ त्यस्तो क्रियाकलाप गर्न प्रतिबन्ध नै छ भन्दा पनि हुन्छ । मानिसमा त्रासको वातावरण पनि छ । अहिले पनि सकेसम्म घर बाहिर ननिस्कने भन्ने नै छ ।मानिसरलाई कहीँ कतै जाने हतार पनि छैन । यस्ता कुराले गर्दा बिहानदेखि बेलुकासम्म केहीन केही खाई रहने अवस्था सिर्जना भएको छ, जसका कारण शरीरको तौल बढ्ने समस्या प्रमुख छ । शरीरको तौल भनेको सुन्दरताको पहिलो अंश हो, जुन स्वास्थ्यको रुपमा पनि यसलाई खतराजनक लक्षण मानिन्छ । धेरै तनावको अवस्थामा पनि तौल बढ्ने डर हुन्छ । यसले अर्का तिर छालामा पनि नकारात्मक असर पार्दछ । छालाको चमक विस्तारै घट्न थाल्दछ । यस समयमा हर्मोनमा पनि परिवर्तन आई मेलानो साइट सेलहरु बढी सक्रिय भएर मेलानिन धेरै निस्कन गई अनुहारमा चायापोतो बन्ने समस्या आउन सक्दछ भने सेवासिस ग्लाण्ड उत्तेजित हुन गई चिल्लोपना बढ्न गएर डण्डीफोर जस्ता समस्याहरु आउन सक्छन् । पार्लरहरु बन्द रहेका कारण धेरैको थ्रेडिङ्मा पनि समस्या छ । जुन समय–समयमा अति आवश्यक पर्दछ । हुन त थ्रेडिङ् एक आपसमा गर्ने चलन पनि छ तर त्यसमा त्यत्ति फिनिसिङ देखिँदैन । धेरै मानिसको कपाल काट्ने समस्या पनि भएको छ । यस्तै धेरै कुरामा समस्या देखिन्छ । यो समयमा थोरै मात्र यसका सकारात्मक पक्षहरु देख्छु । त्यस्ता व्यक्तिलाई फाइदा पुगेको छ, जसको छाला घाम तथा धुलोको कणबाट बढी एलर्जी हुने गर्दछ ।
घरमै बस्दा अथवा यो विषम परिस्थितिमा कसरी आफ्नो सुन्दरतालाई व्यवस्थित गर्न सकिन्छ ?
हाम्रो जीवन शैली अहिले नियन्त्रित अवस्थामा छ भन्दा पनि हुन्छ । अहिले कसैसँग भेटेर अरुको सेवा लिन सक्ने अवस्थामा छैनौ अथवा भेट्नु पनि उपयुक्त मानिँदैन । त्यसकारण आफ्नो छाला तथा कपालको न्युनतम पनि आधारभूत रुपमा स्याहार गर्नुपर्ने हुन्छ । यो समयमा मात्रै होइन, अरु जुनसुकै समयमा पनि हामी ४–५ वटा कुराहरु अनिवार्य गर्नु नै पर्ने हुन्छ । बिहान उठ्ने बित्तिकै सफा पानीले अनुहार धुनु पर्दछ । यसमा पनि छालाको प्रकार अनुसार क्लिन्जर प्रयोग गर्न सकिन्छ । यदि छाला चिल्लो भएमा सालिस्यालिक एसिड भएको तथा ड्राई भएमा मस्चोराइजरयुक्त क्लिन्जर प्रयोग गर्न सकिन्छ । प्रायको आफ्ना बिहानका नित्य कर्महरु पनि हुन सक्दछन्, त्यसमा घर भित्रै गर्न सकिने व्यायामहरु पनि गर्न सकिन्छ । त्यसपछि नुहाउनु पर्दछ । नुहाउने वित्तिकै हामी अनिवार्य रुपमा मोस्चराइजर लगाउनु पर्दछ । हाम्रो शरीरको लागि मोस्चराइजिङ् गर्नु भनेको सवैभन्दा महत्वपूर्ण काम हो । यस पछि अनुहारमा भिटामिन सीको सेरम लगाउनु पर्दछ । यसले हाम्रो छालामा चाउरीपना हुन दिँदैन । त्यसपछि हामीले सनस्क्रिन लगाउनु पर्दछ । हामीले सनस्क्रिनलाई ३–४ घण्टामा दोहो¥याएर लगाउनु पर्ने हुन्छ । कम्तिमा बिहान एक पटक तथा दिउँसो एक पटक अनिवार्य लगाउनु पर्दछ । घरमै बसेपनि अनिवार्य सनस्क्रिन लगाउनु पर्ने हुन्छ । हामीले अरु कुनै क्रिम लगाउने भएमा सनस्क्रिन माथि लगाउनु पर्दछ । त्यसपछि बेलुका सुत्ने बेलामा पहिला चिसो टिस्युहरुले अनुहारलाई पुछेर सफा पानीले धोइ सकेपछि क्लिन्जरले धुनु पर्दछ र अन्त्यमा सुत्ने बेला मोस्चराइजर लगाएर सुत्नु पर्दछ ।
यति लामो समयसम्म काम नहुँदा त सौन्दर्य सामानहरुको मितिमा असर प¥यो होला नि, अब यसको असर व्यवसायमा पर्दैन ?
सौन्दर्य सामग्रीको म्याद सकिने समय अलि लामो नै हुने गर्दछ । प्रायः २–३ वर्ष हुन्छ । ५–६ महिना सामान मुभ नहुँदा पक्कै पनि म्यादमा त केही न केही समस्या त आउँछ नै, तर पनि धेरै ब्राण्डहरु म्याद सकिए पनि खोलिएको छैन भने फिर्ता हुन्छन् । मुख्यरुपमा खोलि सकेका सामान भने १ महिना पछि प्रयोग गर्नु हुँदैन । १ महिना खोलिएको समय छ भने त्यसको फिजिकल रुप पनि परिवर्तन हुन थाल्दछ । कुनै पनि केमिकलजन्य वस्तुहरु खोलेको लामो समयसम्म प्रयोग गर्ने हुँदैन त्यसबाट नकारात्मक असर पर्ने समभावना बढी हुन्छ । यो लकडाउन अगाडि खोलिएका सामानहरु व्यवसायीहरुको घाटा नै हो, किनभने खोलिसकेको सामान कम्पनीले फिर्ता लिँदैन ।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies