काठमाडौंः मंगलबार शेयर बजार पुनः आरालोतर्फ लागेको छ । सोमबार मात्रै एक सातादेखि ओरालो लागिरहेको पुँजी बजार थामिएको थियो । तर आज पुनः नेप्से ५८.०५ अंकले घटेको हो । योसँगै परिसूचक २ हजार ५८२ अंकमा कायम भएको छ ।
बजारको परिसूचक घट्दा कारोबार रकम भने बढेको छ । सोमबार ४ अर्ब ४८ करोडको कारोबार भएकोमा आज ५ अर्ब १८ करोडको भएको छ । आज जम्मा ४ कम्पनीको मूल्य बढेको छ भने २४० को मूल्य घटेको छ ।
समूहगत रुपमा बैंकिङ समूहको मूल्य १.४२ प्रतिशतले, विकास बैंक २.९९, फाइनान्स ३.५०, होटल तथा पर्यटन २.७२, हाइड्रोपावर ३.३१, लगानी २.०८, जीवन बीमा २.२०, उत्पादन १.५०, माइक्रोफाइनान्स २.४९, निर्जीवन बीमा २.४६ र अन्य १.८२ तथा व्यापार १.८५ प्रतिशतले घटेको छ ।
