काठमाडौं : नेपाली राष्ट्रिय क्रिकेट टिमका नियमित सदस्य सन्दीप लामिछानेलाई आईपीएलको उनको टिम दिल्ली क्यापिटल्सले रिलिज गरेको छ । सन् २०१८ मा तीन बर्षका लागि अनुबन्ध भएका सन्दीप तेस्रो वर्ष पुरा भएपछि दिल्लीले रिलिज गरेको हो ।
सन्दीपले पहिलो र दोस्रो सिजनमा आईपीएल खेल्न पाएपनि कोरोना महामारीका कारण युएईमा आयोजित यो संस्करणको आईपीएलमा भने उनी बेन्चमै बसेर फर्किएका थिए । दिल्लीले रिलिज गरेसँगै अक्सनमार्फत उनी अर्को टिममा जाने बाटो भने खुलेको छ ।
दिल्लीले सन्दिपसँगै जेसोन रोय र मोहित शर्मालाई पनि रिलिज गरेको छ । । सन् २०१८ मा २० लाख भारतीय रुपैयाँमा अक्सनबाट दिल्लीले सन्दिपलाई अनुबन्ध गरेको थियो । उनले यो प्रतियोगितामा आफ्नो पहिलो सिजनमा पुछारका तीन खेल खेल्न पाएका थिए । जसमा उनले पाँच विकेट लिएका थिए । त्यसपछि २०१९ मा सन्दिपले ६ खेल खेल्दा आठ विकेट हात पारेका थिए । सन्दीपले अन्तिम सिजनमा दिल्लीबाट खेल्न नपाए पनि उनको टिम फाइनलमा पुगेको थियो ।
दिल्लीले सन्दीपलाई रिलिज गरेपछि अब उनी अक्सनमा जाने भएका छन् । जसमा उनीमाथि कुनै टिमले बोली लगाएमा दिल्लीबाट पाउँदै आएको रकम भन्दा बढि पाउने पनि सम्भावना रहेको छ । दिल्लीले यो सिजनमा तिब्र गतिका बलर डानियल साम्सलाई रोयल च्यालेञ्जर्स बैंग्लोरमा विक्रि गर्ने भएको छ । यस्तै विस्फोटक ब्याट्सम्यान मार्कुस स्टोनिसलाई भने टिममा राख्ने भएको छ ।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies