काठमाडौं : लक्ष्मी सनराइज बैंकले काठमाडौंको कागेश्वरी मनोहरामा आफ्नो शाखा स्थानान्तरणमार्फत सेवा विस्तार गरेको छ ।
काठमाडौंको बौद्धमा रहेका २ शाखामध्ये गोकर्णेश्वर नगरपालिका वडा नं. ६ स्थित शाखा कागेश्वरी मनोहरा नगरपालिका वडा नं. ५ को थलीमा स्थानान्तरण गरिएको हो । स्थानान्तरण गरिएको साविकको बौद्ध शाखाका ग्राहकहरुले सोही ठाउँमा रहेको बौद्व पिपलबोटको शाखामार्फत सेवा लिन सक्ने बैंकले जनाएको छ ।
स्थानान्तरण भएको शाखाले ग्राहक तथा व्यवसायीहरुलाई सबै प्रकारका रिटेल बैंकिङ सेवा प्रदान गर्ने बैंकले बताएको छ । हाल लक्ष्मी सनराइज बैंकले ५९ जिल्लामा २५४ शाखा, ३१६ एटिएम, २८ एक्स्टेन्सन काउन्टर र १२८ शाखारहित बैंकिङमार्फत सेवा प्रदान गर्दै आएको छ ।
