नवलपरासी : पूर्वी नवलपरासी र बाग्लुङ जिल्लामा पुनः निषेधाज्ञा थप गरिएको छ । कोरोना संक्रमणको जोखिम कायमै रहेको भन्दै दुवै जिल्ला प्रशासनले छुट्टाछुट्टै सूचना प्रकाशित गरी निषेधाज्ञा थप गरेको जनाएको छ । कोरोना संक्रमणको जोखिम अझै पनि कायमै रहेको भन्दै नवलपुरमा पाँचौ पटक अरु एक साता निषेधाज्ञा थप गरी असार ७ गतेसम्म पुर्याइएको छ ।
यसअघि थप गरिएको निषेधाज्ञा जेठ ३१ गते राति १२ बजे सकिँदै थियो । कोरोना संक्रमणको जोखिम उत्तिकै रहेकाले आगामी असार ७ गते राति १२ बजेसम्म निषेधाज्ञा थप गरिएको प्रमुख जिल्ला अधिकारी पंगेनीले बताइन् ।
यस्तै, बाग्लुङ जिल्लामा पनि थप एक साता निषेधाज्ञा लम्ब्याइएको छ । कोरोना संक्रमणको दर नघटेपछि कोरोना संकट व्यवस्थापन समिति (डिसिसिएसी)को आइतबार बसेको बैठकले थप एक साता निषेधाज्ञा लम्ब्याउने निर्णय गरेको हो ।
थपिएको निषेधाज्ञामा बाग्लुङ्का वैंक तथा वित्तीय संस्थाहरु भने साताको चार दिन खुला गर्न छुट दिएको छ । बैंक तथा वित्तीय संस्थाहरु साताको चार दिन विहानमा खुला गर्ने निर्णय गरिएको निर्णय गरिएको बागलुङ नगरपालिकाका प्रमुख जनकराज पौडेलले जानकारी दिए । डिसिसिएमसीको निर्णय अनुसार निषेधाज्ञा अब आगामी असार ७ गते राती १२ बजेसम्म कायम रहनेछ ।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies