रमन वन/मध्यान्ह
सोलुखुम्बु : नेपाल टेलिकमले ६० वर्षमाथिका जेष्ठ नागरिकहरुलाई निःशुल्क वितरण गर्ने सिम कार्ड लिन सोलुखुम्बुमा पहिलो दिन कोहि नआएको बताइएको छ ।
अन्तर्राष्ट्रिय ज्येष्ठ नागरिक दिवसको अवसरमा शुक्रबारबाट वितरण गर्न शुरु गरेको सिमकार्ड लिन पहिलो दिन कोही नआएको नेपाल टेलिकम शाखा कार्यालय सल्लेरीले जनाएको छ ।
पहिलो दिन भएकाले जेष्ठ नागरिकहरुलाई जानकारी नभएर पनि सिम लिन नआएको हुन सक्ने कार्यालय प्रमुख महमद अकबर अलीले बताए । टेलिकमले नेपाल टेलिकमले देशभरका ज्येष्ठ नागरिकलाई सम्मान स्वरूप असोज १५ गतेदेखि २५ गते सम्म निःशुल्क सिम प्रदान गर्न शुरु गरेको हो ।
यस सिममा १० रुपैयाँ ब्यालेन्स हुनुका साथै ४० मिनेट कुराकानी गर्ने, २० वटा सन्देश पठाउने र ६० एमबी डाटा प्रयोग गर्न सकिने सुविधा एक महिनासम्म उपलब्ध हुनेछ ।
निःशुल्क सिम कार्डका लागि लागि एक प्रति पासपोर्ट साइजको फोटो, परिचय र उमेर खुल्ने प्रमाणपत्र (जस्तै, नागरिकता प्रमाणपत्र, जेष्ठ नागरिकको परिचयपत्र) को प्रतिलिपि संलग्न गर्नुपर्ने छ ।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies