रौतहट : रौतहटको गरुडा नगरपालिकामा एक पुरुषको शव फेला परेको छ । गरुडा नगरपालिका वडा नम्बर ५ झाँझ खोलाको किनारमा अन्दाजी ५० वर्षीय पुरुषको शव तैरिरहेको अवस्थामा स्थानीयहरुले देखेपछि सशस्त्र प्रहरीलाई खवर गरेका थिए ।
वेस दुधियाभारबाट सशस्त्र प्रहरी निरीक्षक संजिव कुमार सिंहको कमाण्ड तथा ईलाका प्रहरी कार्यालय गरुडाबाट खटिगएको प्रहरी टोलीले शवलाई बाहिर निकालेर आवश्यक अनुसन्धान अगाडि बढाएको हो । सशस्त्र प्रहरी बल नेपाल नम्बर ११ गणका एसपी विक्रम हुमागाइँका अनुसार शवलाई पोष्टमार्टमका लागि प्रादेशिक अस्पताल गौर पठाइएको छ ।
