सन्तोष पौडेल / मध्यान्ह
खोटाङ : खोटाङमा विद्यार्थीलाई जबर्जस्ती करणी गरेको आरोपमा प्रहरीले एकजना शिक्षकलाई पक्राउ गरेको छ । प्रहरीले रावाबेँसी गाउँपालिका-२ खार्पास्थित भाषा आधारभूत विद्यालयमा कार्यरत शिक्षक ३१ वर्षीय किशोर पोखरेललाई पक्राउ गरेको हो ।
आफूमाथि पटक-पटक करणी भएको भन्दै पीडित किशोरी र उनका अभिभावकले गत बिहीबार जिल्ला प्रहरी कार्यालयमा जाहेरी दिएका थिए । सोही उजुरीको आधारमा पोखरेललाई खोजतलास गर्नेक्रममा इलाका प्रहरी कार्यालय उदयपुर, ठोक्सिलाले शनिबार प्रक्राउ गरी जिल्ला प्रहरी कार्यालय खोटाङमा बुझाएको खोटाङका सूचना अधिकारी एवम् प्रहरी निरीक्षक सागर साहले मध्यान्हलाई जानकारी दिए ।
प्रहरीका अनुसार शिक्षक पोखरेलविरुद्ध सोहि स्थानकै-१४ वर्षीया किशोरीलाई पटक-पटक करणी गरेको आरोप छ । पीडित किशोरीको पेटमा २० हप्ताको गर्भ रहेको पारिवारिक श्रोतले जनाएको छ । किशोरी खार्पाकै एक विद्यालयकी छात्रा हुन् ।
शिक्षक पोखरेलविरुद्ध आइतबार जिल्ला अदालतबाट सात दिनको म्याद थप गरी थप अनुसन्धानका लागि प्रहरी हिरासतमा राखेर अनुसन्धान प्रक्रिया शुरु गरिएको निरीक्षक साहले जानकारी दिए ।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies