
रुकुम पश्चिम : रुकुम पश्चिमको मुसिकोट नगरपालिका १ खलंगामा प्रगतिशील लोकतान्त्रिक पार्टी (प्रलोपा) जिल्ला समितिको कार्यालय उद्घाटन गरिएको छ ।
आइतबार पूर्वमन्त्री एवम् प्रलोपाका नेता जनार्दन शर्माले जिल्ला पार्टी कार्यालयको उद्घाटन गरेका हुन् । जिल्ला समितिको बोर्ड र पार्टीको झन्डा राखेर कार्यालयको उद्घाटन गरिएको हो ।
उद्घाटन कार्यक्रममा कर्णाली प्रदेशका पूर्व मुख्यमन्त्री एवं प्रलोपाका नेता राजकुमार शर्मा, पार्टीका केन्द्रिय सदस्य गोर्खबहादुर केसीलगायत जिल्लाका नेता कार्यकर्ताहरूको उपस्थिति रहेको थियो ।
नेता शर्माले सोमबार हुने युवाहरुको बृहत् भेलालाई सम्बोधन गर्ने कार्यक्रम रहेको छ ।