–जयनारायण नेपाल
१.
रहेछन् यी त चोरमाथि चण्डाल
उद्देश्य देशलाई पार्ने कंगाल
दुनियाँको आँखामा छारो हाली
नाटक गर्छन् बनाउन मण्डाल ।।
२.
कति हेर्नु नौटंकी जात्रा
हिरो होइनन् खल पात्र ।
नाटक गर्छन् कति–कति
अति हुँदा मिलेन मात्रा ।।
३.
छाता र नाताको सम्बन्ध जस्तो
भन्न नै नमिल्ने रहेछ कस्तो ?
अनुकूल भए प्रयोग हुने
अरु बेला हुने हलुका सस्तो ।।
४.
राजनीति भयो जुवाको खाल
बिग्रँदै गयो यो देशको हाल
सतिको सराफ परेर हो कि
सर्वत्र देखिन्छ माकुरे जाल ।।
