क्वालालम्पुर : मलेसियाको अध्यागमन विभागले आप्रवासी कामदारलाई अनुमतिबिना कम्पनी छाडे कारबाही हुने बताएको छ ।
अस्थायी वर्क परमिट पासले विदेशी नागरिकहरूलाई स्वीकृत क्षेत्रमा निश्चित अवधिका लागि मलेसियामा काम गर्ने अनुमति दिन्छ । विभागले यो अनुमतिपत्रको नियम कडाइका साथ पालना गर्न सबै विदेशी श्रमिकलाई आग्रह गरेको छ ।
विभागले रोजगारदाताको अनुमतिबिना कम्पनी परिवर्तन गर्ने, अर्को ठाउँमा काम गर्ने, परिवारलाई अवैध रूपमा राख्ने, मलेसियामा विवाह गर्ने वा रोजगार पासको दुरुपयोग गर्ने कार्य कानुनविपरीत मानिने बताएको छ ।
नियम उल्लंघन गर्ने विदेशी कामदारमाथि पक्राउ, हिरासत, जरिवाना, रोजगार पास रद्द तथा डिपोर्टसम्मको कारबाही हुन सक्ने विभागको चेतावनी छ ।
.jpg)
