काठमाडौँ : नेपाली कांग्रेसका सुदूरपश्चिम प्रदेशसभा सदस्य प्रकाशबहादुर देउवाको प्रदेशसभा सदस्य पद रिक्त भएको छ ।
प्रदेशसभा सचिवालयका अनुसार सभामुख भीमबहादुर भण्डारीले संविधानमा रहेको व्यवस्थाबमोजिम देउवालाई पदमुक्त गर्ने निर्णय गरेका हुन् ।
सचिवालयका अनुसार देउवा पूर्वजानकारी नदिई लामो समयदेखि प्रदेशसभा बैठकमा अनुपस्थित हुँदै आएका थिए । उनी लगातार २७ वटा बैठकमा सहभागी नभएको सचिवालयले जनाएको छ ।
देउवा पछिल्लो ११ महिनादेखि अमेरिकामा रहेको बताइएको छ। लामो समयसम्म प्रदेशसभा बैठकमा अनुपस्थित रहे पनि उनले आफ्नो अनुपस्थितिबारे आवश्यक जानकारी नदिएको जनाइएको छ । यही आधारमा सभामुख भण्डारीले संवैधानिक व्यवस्थाअनुसार उनको प्रदेशसभा सदस्य पद रिक्त हुने निर्णय गरेका हुन् ।
.jpg)
.JPG)
.JPG)
