काठमाडौं : भारतीय अटोमोबाइल बजारमा उत्कृष्ट प्रदर्शन गर्दै चर्चा कमाएको नयाँ विद्युतीय सवारीसाधन (ईभी) नेपालमा औपचारिक रूपमा भित्रिएको छ । अत्याधुनिक प्रविधि, प्रिमियम फिचर्स र फ्युचरिस्टिक डिजाइनसहितको उक्त ईभीलाई आगामी भदौ १० देखि १५ गतेसम्म काठमाडौंमा आयोजना हुने नाडा अटो शोमा सार्वजनिक गरिने भएको छ ।

नेपाल प्रवेशसँगै यो मोडलले नेपाली अटो बजारमा समेत नयाँ आकर्षण सिर्जना गर्ने अपेक्षा गरिएको छ । भारतीय बजारमा बिक्री तथा बुकिङका नयाँ मापदण्ड स्थापित गर्न सफल भएको दाबी गरिएको यस ईभीले नेपालको विद्युतीय सवारीसाधनको क्षेत्रमा नयाँ बेन्चमार्क कायम गर्ने अपेक्षा गरिएको छ ।

नेपाली सडकको बनावट तथा आधुनिक चालकको आवश्यकतालाई ध्यानमा राखेर ल्याइएको उक्त ईभीमा प्रिमियम राइडिङ अनुभव र उत्कृष्ट ड्राइभिङ डाइनामिक्समा जोड दिइएको छ । दमदार रोड प्रेजेन्स, आकर्षक डिजाइन, उच्च ब्याट्री रेन्ज तथा मजबुत निर्माण यसको प्रमुख विशेषता रहेको कम्पनीको भनाइ छ ।

अत्याधुनिक प्रविधि र प्रिमियम सुविधाको संयोजनका कारण उक्त मोडल नेपाली बजारमा ईभीप्रति बढ्दो आकर्षणलाई थप बल दिने अपेक्षा गरिएको छ। कम्पनीले यसलाई आफ्नो सेग्मेन्टमा नयाँ विकल्पका रूपमा प्रस्तुत गर्ने तयारी गरेको छ ।

नाडा अटो शोमा उक्त ईभीलाई पहिलोपटक नेपाली उपभोक्ताले नजिकबाट अवलोकन गर्न पाउनेछन् । भदौ १० देखि १५ गतेसम्म काठमाडौंमा हुने प्रदर्शनीमार्फत यसको डिजाइन, प्रविधि, फिचर्स तथा क्षमताबारे थप जानकारी सार्वजनिक गरिनेछ ।

भारतीय बजारमा हासिल गरेको सफलता र नेपाली बजारमा विद्युतीय सवारीसाधनप्रतिको बढ्दो मागका कारण उक्त मोडलको नेपाल आगमनलाई अटो बजारमा चासोका साथ हेरिएको छ ।