–अच्युतमान सिंह प्रधान ‘उत्सुक’
हिन्दु नारीहरूको महान् चाड हो, तिज ।
चिनिन्छ यसलाई ‘हरितालिका’ नामले पनि ।
बस्छिन् व्रत, विवाहिता अनि अविवाहिता नारीहरू ।
बस्छिन् व्रत, विवहिता नारीहरू,
आफ्नो पतिको लामो आयु र सुस्वास्थ्यको कामना गर्दै ।
बस्छिन् व्रत अविवाहिता नारीहरू,
आफ्नो उज्वल भविष्य अनि योग्य बर पाउने मनोकामना लिई ।
गाउँछिन् तिजमा, चेलीको वेदनाले भरिएको गीत ।
नाँच्छिन् तिजमा, आफ्नो दुःख पीडालाई एक दिन भुली ।
कति कठोर व्रत बस्छ्यौ नारी तिमी,
अनि बस्छिन् निराधार व्रत दिन भर,
भोकै पेट अनि पानीको एक थोपा मुखमा पनि नराखीकन ।
गर्छिन् आराधना भगवान् शिवको ।
सपरिवारको सुस्वास्थ्य र समृद्धिको लागि ।
कति महान् छ्यौ, नारी तिमी ।
अनि कोमल मन कि खानी हौ, नारी तिमी ।
सन्मान छ, सम्पूर्ण नारी जातीलाई दुई हात जोडी ।
सम्पूर्ण नारीहरूलाई छ, तिजको हार्दिक शुभकामना !
