काठमाडौं : मुस्लिम आयोगका अध्यक्ष डा. समिम मियाँ अन्सारीलाई ग्लोबल आइकनिक पर्सनालिटी अवार्ड प्रदान गरिएको छ ।
नयाँ दिल्लीमा उनलाई समाज रुपान्तरण र राष्ट्रको सम्मुनतिका लागि महत्वपूर्ण योगदान गरेको भन्दै उक्त अवार्ड प्रदान गरिएको हो ।
मियाँसँगै नेपाल वायु सेवा निगमका सञ्चालक समिति सदस्य किशोर प्रधानलाई पनि उक्त अवार्ड प्रदान गरिएको थियो ।
ब्रान्डमेन इण्डिया नामक संस्थाले उक्त अवार्ड प्रदान गरेकाे हाे । उक्त संस्थाले भारतका राजनीतिकर्मी, पेशाकर्मी तथा व्यवसायीहरूलाई सम्मान गरेको थियो ।
अध्यक्ष मियाँलाई केही दिनअघि मात्र महाराष्ट्रकाे एक विश्वविद्यालयले मानार्थ विद्यावारिधी डिग्रीद्वारा सम्मान गरेकाे थियाे । मियाँ नेपालमा मुस्लिम आन्दाेलनबाट राष्ट्रिय पहिचान बनाएका व्यक्तित्व हुन् ।
