रौतहटः रौतहटको राजपुर नगरपालिकाअन्तर्गत पर्ने बम नहरमा आउने बाढीका कारण सडक पटक–पटक भत्किदा स्थानीय समस्यामा परेका छन्। हरेक वर्ष बाढीको कारणले सडक, खेती र आसपासका घरहरूमा पानी पसेर जनजीवन प्रभावित हुँदै आइरहेको हो । यस समस्याको समाधानका लागि अहिले मर्मत कार्य अघि बढेको राजपुर नगरपालिकाले जनाएको छ । 

स्थानीय वुद्धिजीवि र युवाहरूले मर्मतकार्यका बीचमा आवतजावतमा अवरोध नआओस् र स्थानीय जनताले सुरक्षित महसुस गर्न सकुन् भनि सडक छेउको बम नहर मर्मतका क्रममा डाइभर्सन (पानी निकासको वैकल्पिक मार्ग) निर्माणको माग गरेको पनि नगरपालिकाले जनाएको छ । प्रत्येक वर्ष बाढीका कारण सडक भत्किँदा पानी स्थानीयको घरमा प्रवेश गर्ने समस्या बढ्ने हुँदा यसलाई दीर्घकालीन समाधानको लागि कदम उठाउनुपर्ने उनीहरूको माग छ । राजपुर नगरपालिका वडा ३, र , ८, ९ बाढीको जोखिम रहेको छ ।