काठमाडाैं : आईसीसी विश्वकप क्रिकेट लिग-२ मा नेपालले आज घरेलु टोली अमेरिकासँग खेल्दैछ ।
लिग-२ काे त्रिकाेणात्मक एकदिवसीय सिरिजकाे पहिलाे खेलमा नेपालले अमेरिकासँग खेल्ल लागेकाे हाे । नेपाल र अमेरिकाबीचकाे खेल राति सवा ९ बजे शुरु हुनेछ ।
नेपालले दोस्रो खेलमा आगामी मंगलबार स्कटल्याण्डसँग, तेस्रो खेल कात्तिक १७ गते अमेरिकासँग र चौथो तथा यस सिरिजको अन्तिम खेलमा स्कटल्याण्डसँग कात्तिक १९ गते खेल्नेछ ।
लिग-२ का लागि लिगका लागि नेपाल क्रिकेट संघ (क्यान)ले नेपाल रोहित पौडेलको कप्तानीमा १५ सदस्यीय टोली घोषणा गरिसकेकाे छ । टाेलीमा कप्तान पौडेलसहित, कुशल भुर्तेल, आशिफ शेख, अनिल साह, भिम सार्की, आरिफ शेख, कुशल मल्ल, दिपेन्द्रसिंह ऐरी, अर्जुन साउद, सोमपाल कामी, करण केसी, गुल्शन झा, रिजन ढकाल, सन्दीप लामिछाने र ललित राजवंशी छन् । देव खनाल र सागर ढकाललाई रिजर्भमा राखिएको छ ।
