काठमाडौँ : नेपाल प्रिमियर लिग (एनपीएल) मा आफ्नो अधिकार दाबी गर्दै आमीर अख्तरले दायर गरेको रिटमा सर्वोच्च अदालतले अन्तरिम आदेश दिन अस्वीकार गरेको छ ।
आइतबार न्यायाधीश हरि फुयालको एकल इजलासले उक्त मुद्दामा विपक्षी नेपाल क्रिकेट संघ (क्यान) सँग लिखित जवाफ माग गरेको छ ।
जोरा स्पोर्टस् म्यानेजमेन्टका तर्फबाट अख्तरले रिट दायर गर्दा एनपीएल आयोजना रोक्न अन्तरिम आदेश पनि माग गरेका थिए, तर सर्वोच्चले अन्तरिम आदेश भने दिएन । यो आदेशसँगै १६ मंसिरमा शुरु हुने एनपीएल सञ्चालनका लागि बाटो खुला भएको छ ।
अख्तरले नेपाल प्रिमियर लिग नाम आफूले यसअघि नै सञ्चालन गरेको र दर्ता गरेको दाबी गर्दै सोही नाममा अर्को अर्को लिग गर्न नपाइने दाबीसहित सर्वोच्च अदालतमा रिट दायर गरेका थिए ।
