काठमाडौंः भक्तपुरमा हातखुट्टा बाँधिएको अवस्थामा एक वृद्धा मृत फेला परेकी छन् । भक्तपुर नगरपालिका–३, दरबारस्क्वायर इछुगल्लीकी ९४ वर्षीय विष्णुकुमारी त्वयनाको शव बुधबार साँझ ५ बजेको समयमा आफ्नै घरमा फेला परेको जिल्ला प्रहरी परिसर, भरतपुरले जनाएको छ ।
उनको शव आफू सुत्ने कोठामा कपडाले दुबै खुट्टा एकै ठाँउमा बाँधिएको अवस्थामा भेटिएको थियो । शव पोस्टमार्टमका लगि दुवाकोट स्थित नेपाल मेडिकल कलेज पठाइएको जनाइएको छ ।
