मलेसियाः सामाजिक कल्याण संघ जनउद्धार केन्द्र मलेसियाले पेनाङमा रहेको लबलेन सम्पर्क समिति पुनर्गठन गरेको छ । सम्पर्क समितिमा रहेका पदाधिकारीको करार अवधि सकिएर स्वदेश फर्किएसँगै रिक्त पदपूर्ती हुनेगरी नयाँ कार्यसमिति विस्तार गरिएको हो ।
नव गठित समितिको अध्यक्षमा ज्ञान बहादुर गैरे, वरिष्ठ उपाध्यक्षमा रान कुमार तामाङ, उपाध्यक्षमा जीवन कुँवर, सचिवमा शिरिश मल्ल, उपसचिवमा श्याम पुन मगर र कोषाध्यक्षमा आदित्य कुवर चयन भएका छन् । त्यसैगरी खेलकुद संयोजकमा प्रेम थापा र सहसंयोजकमा यम बहादुर साेम मगर, सल्लाहकारमा बालकृष्ण भण्डारी, प्रीतम थापा र अमरसिंह धामिसहित १७ सदस्यीय कार्यसमिति गठन भएको हो ।
नव गठित समितिलाई सस्थाका केन्द्रीय कोषाध्यक्ष बिराज पुनले बधाई तथा शुभकामना दिँदै सामाजिक कार्यमा तन, मन र बचनले संस्थाको विधि विधानमा रहेर कार्यसम्पादन गर्न अपिल गरे ।
