काठमाडौँ : मोरङ-सुनसरी सेवा समाज साउदी अरेबियाले रक्तदान कार्यक्रम आयोजना गर्ने भएको छ । समाजले डा. सुलेमान अलहबिब अस्पताल रियादको सहकार्यमा नोभेम्बर २२ मा कार्यक्रम आयोजना गर्ने भएको हो ।
साउदी अरेबियामा रहेका नेपालीहरूको सहयोगका लागि रक्तदान कार्यक्रम आयोजना गर्न लागिएको मोरङ-सुनसरी सेवा समाज साउदी अरेबियाले बताएको छ ।
रक्तदान गर्न इच्छुक व्यक्तिहरूले देवेन्द्र विक (०५३३६११०७६) वा खेमराज कार्की (०५७१८७८१३०) लाई सम्पर्क गरी आफ्नो नाम, अकामा नम्बर र फोन नम्बर दर्ता गराउन सक्ने समाजले जानकारी दिएको छ ।
समाजले नेपाली समुदायका सबै संघसंस्था, पत्रकार, सामाजिक अभियन्ता, तथा दाजुभाइ-दिदीबहिनीहरूलाई कार्यक्रममा सहभागी भएर यो मानवतापूर्ण कार्यलाई सफल बनाउन आग्रहसमेत गरेको छ ।
