काठमाडौं : ज्योति विकास बैंक लिमिटेडका ग्राहकले काठमाडौंस्थित ई–रिभल्भिङ इन्डियन कजिन रेस्टूराँको सेवामा छुट पाउने भएका छन् । बैंक र रेष्टुराँबीच भएको समझदारीअनुसार ग्राहकले रेष्टुराँमा १० प्रतिशतसम्म छुट पाउने भएका हुन् । बैंकका ग्राहकहरूले उक्त रेस्टूराँमा १० प्रतिशतसम्म छुट प्राप्त गर्न सक्नेछन् ।
स्वादिष्ट परिकार, आकर्षक वातावरण, उत्कृष्ट आतिथ्य सेवा र हरेक ४६ मिनेटमा एक सुस्त घुमाउरो घुम्ने विशेषताका कारण काठमाडौंको न्युरोडमा रहेको यो रेस्टूराँले ग्राहकहरूको मन जितिरहेको बैंकको दाबी छ ।
हालै बैंकले काठमाडौंस्थित अचार घर, नेपाल हाउस रेस्टूराँ एण्ड बार र महोत्सव रेस्टूराँ एण्ड बारमा आफ्ना ग्राहकलाई १० प्रतिशतसम्मको छुट प्रदान गर्ने सम्झौता गरिसकेको छ ।
साथै, बैंकले काठमाडौंस्थित प्रख्यात शोयाछा ट्रेडर्समा १८ प्रतिशत सम्मको छुट प्रदान गर्ने सम्झौता पनि गरेको छ । साथै, बैंकले अन्नपूर्ण केबलकारमा १० प्रतिशतसम्म छुट प्रदान गर्ने सम्झौता पनि गरेको छ ।
