काठमाडौं : नेपाल प्रिमिर लिग (एनपीएल) को उद्घाटन खेलमा विराटनगर किंग्स १२७ रन बनाएर अलआउट भएको छ । टस हारेर पहिले ब्याटिङको निम्तो पाएको विराटनगरलाई जनकपुर किंग्सले १९ ओभरमा अलआउट गरेको हो ।
विराटनगरलाई अलआउट गर्ने क्रममा जनकपुरका ललित राजबंशीले तीन, किशोर महतो र हर्ष ठाकरले दुई/दुई तथा बेन माइक र मोहम्मद मोसिनले एक/एक विकेट लिए ।
विराटनगरका मार्टिन गप्टिलले ५५ रन बनाएर आउट भए भने अकिब लियासले १५ रन बनाए । अरु कुनै ब्याटरले दोहोरो अंकमा रन जोड्न सकेनन् ।
