काठमाडौं : प्रदर्शन मिति नजिकिएसँगै चलचित्र ‘एक्टर’को प्रचार, प्रसारलाई निर्माण पक्षले तीव्रता दिएको छ । यसै शिलशिलामा आगामी ४ माघदेखि देशभर एकसाथ प्रदर्शनमा आउने चलचित्र ‘एक्टर’को रोमान्टिक गीतको भिडियो ओएसआर डिजिटलमार्फत सार्वजनिक गरिएको छ ।

रीता रायमाझीको शब्द, मनोहरि थापा र सुनिता कार्कीको स्वर रहेको गीतका संगीतकार सम्राट थापा हुन् । भिडियोमा प्रिन्स थापा र कविता नेपालीलाई मुख्य भूमिकामा देखाइएको छ । 

नेपाल डाइस्पोरा इन्टरटेनमेन्टको प्रस्तुति रहेको ‘एक्टर’ आधुनिक परिवेश, प्रेम, रोमान्स, थ्रिलर्स सस्पेन, मनोरञ्जनपूर्ण चलचित्र बनेको निर्माता थापाले बताए ।

‘एक्टर’मा प्रिन्स थापा, शिवानी गिरी, कसिस दाहाल, कृष्ण मल्ल, सरोज खनाल, शिबु शाह, निशा के. सी. भण्डारी, महेन्द्र मैनालीलगायतका कलाकारको अभिनय छ भने चलचित्रमा सम्राट थापाको कथा तथा संगीत छ ।

यसमा सम्राट बस्नेतको द्वन्द्व, माइकल चन्दको नृत्य, युवराज राई र डम्बर राईको छायांकन, मदन घिमिरेको निर्देशन छ ।