काठमाडौं : राष्ट्रिय जनता पार्टी र समाजवादी पार्टी एक भएर बनेको जनता समाजवादी पार्टी निर्वाचन आयोगमा दर्ता भएको छ । निर्वाचन आयोगको बुधबारको बैठकले सो दल दर्ता गर्ने निर्णय गरेको हो । नयाँ दललाई आजै प्रमाणपत्र दिइने निर्वाचन आयोगले जनाएको छ ।
आयोगका अनुसार दर्ता भएको दलको केन्द्रीय कार्यसमिति अध्यक्षद्वय ठाकुर पहिलो र यादव दोस्रो वरीयतामा रहेका छन् । यसैगरी वरिष्ठ नेताहरु अशोक राई, डा. बाबुराम भट्टराई र राजेन्द्र महतो क्रमशः तेस्रो, चौथो र पाँचौँ वरीयतामा छन् । दुवै पार्टीका नेताले वैशाख ११ गते एकताका लागि निर्वाचन आयोगमा निवेदन दिएका थिए ।
केन्द्रीय समितिका निर्णयलगायत काजगात नपुगेकोले दल दर्ता हुन सकेको थिएन । सरकारले दल विभाजन गर्ने अध्यादेश जारी गरेपछि दुई पार्टीले बैशाख १० गते एकता घोषणा गरेका थिए ।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies