रौतहट : रौतहट राजपुर नगरपालिकाका नगरप्रमुख डा.मोहम्द राजिक आलमले मद्रासा महमुदियामा सञ्चालन हुन गइरहेको तीन दिने इस्तेमाको स्थल निरीक्षण गरेका छन् ।
अनुगमनका क्रममा नगर प्रमुख आलमले आयोजनाको तयारीबारे जानकारी लिँदै व्यवस्थापन पक्षका लागि आवश्यक निर्देशन दिएका थिए ।
उक्त इस्तेमामा मधेश प्रदेश आठौं जिल्लालगायत र स्थानीय समुदायको उल्लेख्य सहभागिता रहने अपेक्षा गरिएको छ । नगरपालिकाले उचित व्यवस्थापन र सुरक्षाका उपायहरू लागू गर्न विशेष ध्यान दिने प्रतिबद्धता जनाएको छ ।
अनुगमनका क्रममा नगर प्रमुख आलमसँग स्थानीय अधिकारीहरू,सुरक्षाकर्मी तथा आयोजक समितिका सदस्यहरू समेत उपस्थित रहेको थियो । राजपुरमा आयोजना हुने उक्त इस्तेमा धार्मिक प्रवचन हुनेछ । नगरप्रमुख आलमले यसलाई व्यवस्थित रूपमा सम्पन्न गर्न नगरपालिका सबै रूपमा सहयोग गर्न तयार रहेको बताए ।
