काठमाडौं : बलिडड अभिनेता अमिताभ बच्चन र उनका छोरा अभिषेक बच्चनलाई कोरोना संक्रमण पुष्टि भएको छ । कोरोना पोजिटिभ रिपोर्ट आएपछि बाउछोरालाई नै गएराति मुम्बईस्थित नानावती अस्पताल भर्ना गरिएको छ ।
अमिताभ आफैँले कोरोना भाइरसको संक्रमण भएको सामाजिक सञ्जालमार्फत जानकारी दिएका हुन् । उनले आफू कोरोना भाइरस संक्रमित भएको पुष्टि भएपछि अस्पतालमा आइसोलेसनमा बसेको जानकारी आफ्ना शुभेच्छुकहरुलाई गराएका छन् । उनले पछिल्लो दस दिनमा आफूसँग भेटेकाहरुलाई पनि संक्रमणको परीक्षण गर्न आग्रह गरेका छन् ।
अमिताभकी पत्नी जया बच्चन र अभिषेककी पत्नी एवं अभिनेत्री ऐश्वर्या राय बच्चनको पनि कोरोना परीक्षण गरिएको छ । उनको रिपोर्ट भने आज आउने बताइएको छ । ७७ वर्षीय यी भारतीय सुपरस्टार बच्चनले पछिल्लो ५० वर्षमा सयौँ भारतीय चलचित्रमा काम गरेका छन् ।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies