सहबान अन्सारी/मध्सान्ह
नवलपरासी : नवलपरासीमा बिहीबार रातिदेखि परेको अबिरल बर्षाका कारण सरावल गाउँपालिका वडा नं. ५, ६, ७ र पाल्हीनन्दन गाउँपालिका १, शंकरपुर जलमग्न भएका छन् । वर्षाको पानीले निकास नपाएर गाउँहरु डुबानमा हुँदा स्थानीयले सास्ती भाेग्नु परेको छ ।
यसैगरी सरावलकाे वडा नं. ६ मा करिब ३० घर तथा वडा नं. ७ मा १५ घर बिस्थापित भएको स्थानीय घनश्याम चाैधरीले मध्सान्ह राष्ट्रिय दैनिकलाई जानकारी दिए । जनप्रतिनिधिहरुले दीर्घकालीन समाधानको उपाय अपनाउन नसक्दा आफुहरु सधैंभरि बाढीको त्रासमा बस्नुपरेको चाैधरीले बताए ।
गाउँ तथा बाटोमा पनि घुँडाभन्दा माथि पानी पुगेकाले स्थानीय समस्यामा परेका छन् । भेल पसेर धान बालीमा पुर्याएको छ । घरभित्र पानी पस्दा अन्न र पशुचौपाया जोगाउन धौधौ परेको सरावल ६ की सिन्धुली कुर्मीले बताइन् । करिब ३ दिनदेखि बाढी गाउँघरमा पस्दासमेत समस्या बुझ्न कोहिपनि जनप्रतिनिधि नआएकाे र सम्बन्धित वडाध्यक्षलाई सम्पर्क गर्दा म के गर्नसक्छु र भन्ने जवाफ दिने गरेको सोही ठाउँ बस्ने मैनुद्दिन चुरिहार बताउँछन् ।
गाउँमा पानीको कारणले गर्दा बिषालु सर्प तथा किरा फट्याङ्ग्रा बढेकाे र १ जनालाई सर्पले टोकेको लक्ष्मिकान्त चाैधरीले बताए । लगातार वर्षाको कारण पानीको बहाव बढ्दै गएपछि आसपासका मानिसहरु त्रसित भएका छन् । जिल्लाको प्रतापपुर, सरावल, पाल्हिनन्दन र सुस्ता गाउँपालिका बासिन्दाहरु सधैं बाढी र प्राकृतिक विपद्को जोखिममा रहेका छन् ।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies