काठमाडौं : आफ्नो पक्षमा बहुमत पुर्याउन नेकपाका नेताहरुले दौडधुप जारी राखेका छन् । प्रधानमन्त्री एवं अध्यक्ष केपी ओली भेटेर फर्किएको एक सातापछि नेकपाका अर्का अध्यक्ष पुष्पकमल दाहाल उपाध्यक्ष बामदेव गौतमलाई भेट्न उनकै निवास भैँसेपाटी पुगेका छन् ।
एक साताअघि दुई अध्यक्ष सामु ६ बुँदे प्रस्ताव अघि सारेका गौतम त्यसयता ओली निकट हुन पुगेको अनुमान गरिएको बेला दाहाल गौतमलाई भेट्न निवास पुगेका हुन् । उपाध्यक्ष गौतमका प्रेस सहयोगी विश्वमणि सुवेदीले अध्यक्ष दाहाल गौतमलाई भेट्न भैसेपाटी गएको पुष्टि गर्दै कुराकानीको विषय भने आफूलाई जानकारी नभएको बताए ।
यसअघि गौतमले नेकपा विवाद उत्कर्षमा पुगेका बेला सहमतिको लागि भन्दै ६ बुँदे प्रस्ताव अघि सारेका थिए । गौतमको ६ बुँदे प्रस्तावमा ओली एकता महाधिवेशनसम्म अध्यक्ष र प्रतिनिधिसभाको यस कार्यकालको बाँकी अवधिभर प्रधानमन्त्रीको जिम्मेवारीमा रहने उल्लेख छ । यसलाई माधव नेपाल–दाहाल पक्षले गौतम ओली निकट पुगेको विश्लेषण गर्दै आएका छन् ।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies