रमेश खत्री/मध्यान्ह
दार्चुला : दार्चुला जिल्लाको अपिहिमाल गाउँपालिकामा रहेको ऐतिहासिक महत्व बोकेको नेपालकै सबभन्दा लामो सिद्धमकरीकोट पदमार्ग निर्माणको काम अन्तिम चरणमा पुगेको छ । नेपालको एकीकरण हुनुभन्दा पहिले मल्देश राज्यमा शासन गर्ने राजा जातर सिंहको मकरिकोट दरवारसम्म पुग्ने १८ सय मिटरलामो क्षेत्रमा अहिले अपिहिमाल गाउँपालिका, प्रदेश सरकार र संघीय सरकारबाट लगानी रहने गरी पदमार्ग निर्माण भइरहेको हो ।
राजा जातर सिंहले नुहाउने बसधारा धाम (जलदेवता) मकरीगाड क्षेत्रदेखि राजाको दरवार मकरीकोट (हालको भग्नावशेष) सम्म झण्डै ५ हजार सिंढी बनेका छन् भने बाँकी ३ हजार सिढी बन्ने क्रममा रहेको अपिहिमाल गाउँपालिका अध्यक्ष धर्मानन्द मन्यालले मध्यान्ह राष्ट्रिय दैनिकलाई जानकारी दिए ।
पदमार्ग निर्माणका लागि योजनाको विस्तृत अध्ययन प्रतिवेदन तयार गरेर टेन्डर मार्फत काम भईरहेको छ । उक्त पदमार्गको कुल लागत स्टमेट ४ करोड ६० लाख रुपैयॉ रहेको छ । हाल उक्त योजनामा १ करोड ५० लाख रुपैँया खर्च भईसकेको छ ।
पदमार्ग निर्माणको काम एलबी कन्सट्रक्सनले जोइन्ट इभेन्टमा गरिरहेको छ । पदमार्ग निर्माण भएपछि समग्र दार्चुला जिल्लाको पर्यटन प्रवर्द्धनमा टेवा पुग्नुका साथै अपिहिमालको मुख्य आकार्षणको केन्द्र बन्ने अध्यक्ष मन्याले बताए ।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies