काठमाडौं : नेपाल उद्योग वाणिज्य महासंघले साधारणसभा र चुनाबको मोडालिटी तय गर्न ६ सदस्यीय समिति गठन गरेको छ । बुधबार भएको कार्यसमिति बैठकले उक्त समिति बनाउने निर्णय गरेको हो । कोरोना संक्रमणका कारण साधारणसभा पटकपटक स्थगित भएपछि महासंघले यसको मिति र मोडालिटीको बारेमा निष्कर्ष निकाल्न उक्त समिति गठन गरेको हो ।
समितिमा कार्यकारिणी सदस्यहरु रञ्जित आचार्य, अरुण सुमार्गी, भरत आचार्य, डीबी बस्नेत, बिनोद ढकाल र सुनिलगोपाल श्रेष्ठ रहेका छन् । महासंघले गठन गरेको उक्त समितिले १५ दिनभित्र साधारणसभा र चुनाबको मोडालिटी तयार पार्नेछ । समितिले तयार पारेको मोडालिटीलाई कार्य समितिले पारित गरेर सरकारलाई स्वीकृतीका लागि पठाउने समेत निर्णय भएको छ ।
स्रोतका अनुसार कोरोना संक्रमण रहिरहने अवस्था देखिएपछि साधारणसभामा कम सहभागिता गराउने र चुनाब समेत विद्युतीय मतदानमा जान दबाब परेको छ । कोरोना संक्रमणको बेला साधारणसभा र चुनाब गराउने विषयमा पक्ष र विपक्ष देखिएको थियो ।
तर कोरोना संक्रमण लामो समय जाने देखिएपछि साधारणसभाका लागि ठूलो जमघट नगरि विद्युतीय मतदान गरेरै भएपनि जानुपर्ने निष्कर्षमा दुबै पक्ष देखिएको छ । त्यही कारण साधारणसभाका लागि समिति बनाउने निर्णय भएको हो ।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies