काठमाडौंः प्रधानमन्त्री केपी शर्मा ओलीको विरोध गर्ने आशंकामा चार जनालाई प्रहरीले पक्राउ गरेको छ । पक्राउ पर्नेमा राजु सुनुवार, किरण केसी, राजेश दाहाल र मोहन सिंह रहेकाे जिल्ला प्रहरी परिसर काठमाडौंले जनाएको छ ।
उनीहरूले काठमाडौंको जोरपाटीस्थित अत्तरखेलमा नेपाल मेडिकल कलेज तथा शिक्षण अस्पतालको उद्घाटनका क्रममा प्रधानमन्त्रीको विरोध गर्ने भनि सामाजिक सञ्जालमा स्टाटस राखेका थिए । सोही स्टाटस लेखेको सूचनापछि चारै जनालाई पक्राउ गरिएको हाे ।
ओलीले रजत जयन्तीका अवसरमा शिक्षण अस्पतालको नवनिर्मित डेन्टल कलेज भवनको आज उद्घाटन गरेका हुन् ।
