बर्दिया : कोरोना संक्रमण शुरु भएसँगै पर्यटकका लागि बन्द गरिएको बर्दिया राष्ट्रिय निकुञ्ज शनिबारदेखि खुला भएको छ । चैत्र सात गतेदेखि बन्द गरिएको निकुञ्ज स्वास्थ्य मापदण्ड अपनाएर पर्यटकलाई निकुञ्ज अवलोकनका लागि खुला गरिएको सहायक संरक्षण अधिकृत महेश्वर प्रसाद निरौलाले जानकारी दिए ।
तत्काललाई जंगल सफारी र जंगल वाक गर्न अनुमति निकुञ्जले दिएको हो । पर्यटकले निकुञ्ज प्रवेश गर्दा अनिवार्य मास्क लगाउनु पर्ने, सफारी गर्दा जिपमा ६० प्रतिशत पर्यटक बस्नुपर्ने, पैदल अवलोकन गर्दा एक जना गाइड र तीन जना मात्र जानु पर्ने व्यवस्था गरिएको छ ।
निकुञ्जभित्र हुने र्याफ्टिङ, हात्ती सफारी, फिसिङ, क्याम्पिङ भने खुल्ला गरिएको छैन । दशैं तिहारका बेला बढी पर्यटक भित्रिने भएकाले पर्यटन व्यवसायीले निकुञ्ज खोल्न माग गरिरहेका थिए ।
बर्दिया निकुञ्जमा धेरै पर्यटक बाघ हेर्नका लागि जाने गर्दछन् । निकुञ्ज खुलेपछि पर्यटक भित्रने अपेक्षा गरिएको छ । बर्दिया निकुञ्जको मुख्यालयबाहिर सानाठूला गरी २४ वटा होटल यसवाट लाभान्वित हुनेछन् ।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies