एजेन्सी : भारत र अष्ट्रेलियाविरुद्धको तीन एकदिवसीय सिरीजमा अष्ट्रेलिया विजयी भएको छ। आज भएको दोस्रो एकदिवसीय खेलमा भारतलाई ५१ रनले हराउँदै अष्ट्रेलियाले सिरीजको अन्तिम खेल अगावै सिरिज आफ्नो पक्षमा पारेको हो ।
आइतबार सिड्नीमा भएको खेलमा अस्ट्रेलियाले टस जितेर ब्याटिङ रोज्दै पूरा ५० ओभरमा ४ विकेट गुमाएर ३ सय ८९ रन बनाएको थियो । भारतलाई विशाल लक्ष्य दिने क्रममा स्टेभेन स्मिथले ६४ बलमा सर्वाधिक १ सय ४ रन बनाएका थिए ।
सिरिजको पहिलो खेलमा पनि स्मिथले शतक बनाएका थिए । यस्तै डेभिड वार्नरले ७७ बलमा ८३ रन, आरोन फिन्चले ६९ बलमा ६०, मार्नस लाबसकाग्नेले ६१ बलमा ७० रन साथै ग्लेन म्याक्सवेलले २९ बलमा ६३ रन बनाए ।
जवाफमा भारतले ५० ओभरमा नौ विकेट गुमाउँदै तीन सय ३८ रन मात्र बनाउन सक्यो । भारतका लागि कप्तान विराट कोहलीले ८७ बलमा ८९ रन बनाए । मयंक अग्रवालले २६ बलमा २८ रन, शिखर धावनले २३ बलमा ३०, श्रेयस ऐयरले ३६ बलमा ३८ रन, के एल राहुलले ६६ बलमा ७६ रन, हार्दिक पाण्ड्याले ३१ बलमा २८ रन साथै रविन्द्र जडेजाले ११ बलमा २४ रन बनाए । बलिङतर्फ प्याट कुमिन्सले तीन तथा जोस हेजलहुड र एडम जाम्पाले दुई-दुई विकेट लिए ।
सिरिजको तेस्रो खेल आउने बुधबार हुनेछ ।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies